Advertisement

CERITA CEKAK SANDAL ANYAR KHOIRUL HUDA SABA

CERITA CEKAK SANDAL ANYAR KHOIRUL HUDA SABA - Hallo sahabat Kumpulan Makalah Lengkap, Pada Artikel yang anda baca kali ini dengan judul CERITA CEKAK SANDAL ANYAR KHOIRUL HUDA SABA, kami telah mempersiapkan artikel ini dengan baik untuk anda baca dan ambil informasi didalamnya. mudah-mudahan isi postingan Artikel Contoh Makalah, yang kami tulis ini dapat anda pahami. baiklah, selamat membaca.

Judul : CERITA CEKAK SANDAL ANYAR KHOIRUL HUDA SABA
link : CERITA CEKAK SANDAL ANYAR KHOIRUL HUDA SABA

CERITA CEKAK SANDAL ANYAR KHOIRUL HUDA SABA

Basa jawa

Cerkak  “ sandal  anyar”

Lan unsur  intrinsiK  ekstrinsik

 

SMA 1

Jl. Jenderal Sudirman KM.04 Telp: (0291) 438821   Fax: (0291) 438821

SANDAL ANYAR

          Ing pasar adhine Eka ngrengek njaluk sandal anyar. Sandale adhine emang wis bodol lan wis ora ana rupane. Adhine Eka jenenge Rina,sing umure 5 taun. Eka sayang banget karo adhine, merga iku adhine siji-sijine. Eka saking keluarga sing ora mampu, bapake mung kerja dadi  buruh bangunan lan ibune dadi tukang ngumbai ing desane.

 “Mbak tukokake sandal sing werna pink iku loh, ketone apik temen,” njaluke Rina sing arep nangis.

“Mbak ora duwe duwit,Rin. Kiye duwite arep nggo tuku sayur tok,” jawabe Eka sing melas karo adhine.

          Senajan ora ditukokke Rina tetep meneng nerima. Bocah cilik kuwe wis ngerti angger kehidupane rekasa, nggo mangan wae kurang apa maning tuku sandal.

          Sewise saking pasar lan tuku sayuran Eka bali menyang omahe sing kaya gubuk tapi tetep rapi angger disawang, amarga Eka bocah sing sregepan lan manutan. Omahe saking pring sing dianyam lan atepe wis pada rapuh dipangan rayap, nanging ngarep omahe akeh wit kembang sing pada mekar.

          Senajan Eka saking keluarga sing ora  mampu, nanging bapake pingin Eka dadi wong sukses lan pingin nyekolahke nganti perguruan tinggi. Bapake ora kecewa amarga Eka termasuk siswa sing pinter ing sekolahane. Wengine pas Eka arep sinau lan bapake sing nembe bali kerja mereki Eka.

“Ka, kowe kudu dadi  wong sing berguna lan ngelebihi bapak sing mung dadi buruh bangunan,” ngendikane bapake Eka.

“Nggih pak,kula ajeng usaha,”

          Esuk-esuk sing atis banget Eka wis tangi lan nyiapake sepeda sing arep dienggo neng sekolah. Eka nguja mangkat esuk merga Eka arep melu lomba Cerdas Cermat sing dianakake SMA. Sewise siap Eka pamitan karo wong tuwane.

 “Pak, Bu, kula badhe kesah rumiyin. Moga-moga kula saged dados juara lomba lan saget mundut sandal kangge Rina,” pamitane Eka karo salaman marang  wong tuwane.

“Ya, Amin. Ati-ati ya Ka,” ngendikane bapake.

“Mba, mengko tuku sandal ya?”adhine sing sumringah ngerti angger arep ditukokke sandal anyar.

          Tibaning sekolahan Eka deg-degan amargi sekolahane wis rame lan ana peserta liya sekolah. Ing sekolah uga dipasang umbul-umbul werna-werni, tembok sekolah wis dicet werna orange sing apik.

          Ing lomba Eka bisa njawab soal sing diwacakake dewan juri nganti bener. Kiye wektune pengumuman juara , rak disangka sing oleh  juara 1 kuwe Eka. Eka langsung nerima piala karo amplop sing isine piagam ditambah duwit pembinaan. Eka bali menyang omah karo sumringah gole ngonthel sepedane.

“Assalamualaikum. Bu,pak.”

“Wa’alaikum salam, ana apa Ka?”pitakone ibune Eka.

“Bu, kula nrima juara 1 lan Rina bakal duwe sandal anyar.”

“Alhamdulilah,Ka. Anake Ibuk pinter temen. Ibune tambah sayang maring kowe.”ngendikane ibune sing sumringah lan bangga.

           Sore-sore, sawise ganti klambi Eka ngajak Rina adhine menyang pasar tuku sandal anyar.

“Tuku sandal sing werna apa Rin?” pitakone Eka maring adhine.

“Sing werna pink mbak”

          Langsung wae Eka tuku sandal sing dipingini adhine. Ing jero atine Eka lega merga  wis bisa nuruti kepinginan adhine ngganggo jerih payahe dewe.

“Matur nuwun ya mbak.”

          Atine Eka tambah bungah.

UNSUR INTRINSIK CERKAK “SANDAL ANYAR”

1.     Tema               : Ekonomi

2.    Tokoh              : Eka, Rina, Bapake, Ibune

3.    Watek

      Eka :

o   Penyayang. Bukti : “Eka sayang banget karo adhine,merga iku adhine siji-sijine…”

o   Sregeppan lan manutan. Bukti : “Sewise saking pasar lan tuku sayuran Eka bali menyang omahe sing kaya gubuk tapi tetep rapi angger disawang, amarga Eka bocah sing sregepan lan manutan.”

o   Pinter. Bukti : “Bapake ora kecewa amarga Eka termasuk siswa sing pinter ing sekolahane.”

o   Gelem usaha. Bukti : ““Nggih pak,kula ajeng usaha,”

      Rina :

o   Nerima. Bukti : “Senajan ora ditukokke Rina tetep meneng nrima.”

o   Pengerten. Bukti : “Bocah cilik ku we wis ngerti angger kehidupane rekasa, nggo mangan bae kurang apa maning tuku sandal.”

      Bapake :

o   Kerja keras. Bukti : “Wengine pas Eka arep sinau lan bapake sing nembe bali kerja mereki Eka.”

o   Duwe pinginan sing mulya. Bukti : “Senajan Eka saking keluarga sing ora  mampu, nanging bapake pingin Eka dadi wong sukses lan pingin nyekolahke nganti perguruan tinggi.”

      Ibune :

o   Penyayang. Bukti : ““Alhamdulilah,Ka. Anake Ibune pinter temen. Ibune tambah sayang maring kowe.”

4.    Latar

      Panggonan :

o   Ing pasar. Bukti : “Ing pasar adhine Eka ngrengek njaluk sandal anyar.”

o   Ing omahe Eka. Bukti : “Sewise saking pasar lan tuku sayuran Eka bali menyang omahe sing kaya gubuk tapi tetep rapi angger disawang, amarga Eka bocah sing sregepan lan manutan.”

o   Ing sekolahan. Bukti : “Tibaning sekolahan Eka deg-degan amargi sekolahane wis rame lan ana peserta liya sekolah.”

      Wektu :

o   Wayah wengi. Bukti : “Wengine pas Eka arep sinau lan bapake sing nembe bali kerja mereki Eka.”

o   Esuk-esuk. Bukti : “Esuk-esuk sing atis banget Eka wis tangi lan nyiapake sepeda sing arep dienggo neng sekolah.”

      Kahanan :

o   Rame ing sekolahan. Bukti : “Tibaning sekolahan Eka deg-degan amargi sekolahane wis rame lan ana peserta liya sekolah.

o   Sumringah. Bukti : “Eka bali menyang omah karo sumringah gole ngonthel sepedane.”

5.    Alur                 : Maju

6.    Sesawangan      : Wasana Purusa (wong ketelu)

7.    Amanat            :

o   Senajan kita ora duwe materi utawa harta ingkang katah  nanging deweke kudu duweni ilmu kang bisa nduwurke derajat.

o   Ing panguripan kudu usaha lan pantang menyerah.

o   Dadi wong kudu kerja keras aja ngandalake wong liya.

UNSUR EKSTRINSIK CERKAK “SANDAL ANYAR”

      NILAI-NILAI KANG KAMOT ING CERPEN

v  Nilai Pendidikan

Pantang putus asa ing mewujudake cita-cita.

Bukti : “Senajan Eka saking keluarga sing ora  mampu, nanging bapake pingin Eka dadi wong sukses lan pingin nyekolahke nganti perguruan tinggi.”

v  Nilai Budaya

Ngormati wong tuwa

Bukti : “…..,Pamitane Eka karo jabattangan wong tuwane.”

v  Nilai Moral

Angger pingin duweni sesuatu apike nganggo jerih payahe dewek.

Bukti : “Ing jero atine Eka lega merga wis bisa nuruti kepinginan adhine ngganggo jerih payahe dewek.”

PITAKON LAN WANGSULAN SAKING CERKAK “SANDAL ANYAR”

1.     Sapa jenenge adine Eka? Piro umure ? Kenapa Eka saying karo adhine iku ?

Adhine Eka jenenge Rina, umure yaiku 5 taun. Eka sayang banget karo adhine, merga iku adhine siji-sijine.

2.    Apa pandamelanipun bapak lan ibuke Eka ?

Bapake kerja dadi  buruh bangunan lan ibune dadi tukang ngumbai ing desane

3.    Kepiye keadaane omahe Eka ?

omahe Eka kaya gubuk tapi tetep rapi angger disawang, amarga Eka bocah kang  sregepan lan manutan. Omahe saking pring sing dianyam lan atepe wis pada rapuh dipangan rayap, nanging ngarep omahe akeh wit kembang sing pada mekar.

4.    Sapa kang entuk juara siji ing lomba cerdas cermat iku ?

Ingkang entuk Juara siji yaiku Eka.

5.    Kang juara siji ing lomba cerdas cermat entuk opo wae ?

Kang Juara siji entuk piala karo amplop sing isine piagam ditambah duwit pembinaan.

6.    Opo kang dipesen Bapake Eka nalika bengi-bengi pas Eka sinau ?

“Ka, kowe kudu dadi  wong sing berguna lan ngelebihi bapak sing mung dadi buruh bangunan,” ngendikane bapake Eka.

Demikianlah Artikel CERITA CEKAK SANDAL ANYAR KHOIRUL HUDA SABA

Sekianlah artikel CERITA CEKAK SANDAL ANYAR KHOIRUL HUDA SABA kali ini, mudah-mudahan bisa memberi manfaat untuk anda semua. baiklah, sampai jumpa di postingan artikel lainnya.

Anda sekarang membaca artikel CERITA CEKAK SANDAL ANYAR KHOIRUL HUDA SABA dengan alamat link http://kumpulanmakalahlengakap.blogspot.com/2015/09/cerita-cekak-sandal-anyar-khoirul-huda.html

CERITA CEKAK SANDAL ANYAR KHOIRUL HUDA SABA